Ի՞նչ անել, եթե մեքենան ձեր անունով է, բայց դուք չեք վարում

Եթե դուք էլ եք կանգնել նման հարցի առաջ, ապա համաձայն գործող կարգի, անհրաժեշտ է տուգանքի որոշումը ստանալուց հետո 30 օրվա ընթացքում  դիմում ներկայացնել Ճանապարհային ոստիկանություն, որպեսզի վերահասցեավորեն տվյալ վարչական ակտը մեքենայի իրական վարորդի անունով: Եթե, օրինակ, մեկ ամսվա մեջ ստացել եք թվով մեկից ավելի տուգանքի որոշումեր, որոնց 30 օրը դեռ չի լրացել, ապա կարող եք մեկ դիմումի մեջ ներառել այդ  բոլոր որոշումները: Դիմում գրելուց հետո ձեր վրայից հանվում է տուգանքը և նոր որոշում է կայացվում դիմումում նշված անձի նկատմամբ: Դիմումին կից անհրաժեշտ է ներկայացնել մեքենայի սեփականատիրոջ անձնագրի պատճենը, ինչպես նաև մեքենան վարողի վարորդական վկայականի, անձնագրի և մեքենայի հաշվառման վկայագրի (տեխանձնագրի) պատճենը:
Մեկ կարևոր նկատառում ևս. դիմում ներկայացնելիս կազմեք նաև դիմումի երկրորդ օրինակը, որի վրա Ճանապարհային ոստիկանության համապատասխան աշխատակիցը կնշի դիմում ներկայացնելու ամսաթիվը և կվերադարձնի ձեզ: Այնուհետև www.police.am կայքում դուք կարող եք հետևել, թե արդյո՞ք տվյալ մեքենայի խախտումները նոր հասցեատիրոջն են ուղարկվում, թե ոչ:

Հեղինակ՝ Տիգրան Քեյան

Եղե՛ք տեղեկացված, իմացե՛ք բոլոր «Ինչ անել, եթե …» հարցերի պատասխանները  www.tuganq.am կայքի «Ինչ անել, եթե» բաժնում: