Oրենքներ և օգտակար նյութերՀետաքրքիրՈւսուցողական

Գծանշում, թե՞ ճանապարհային նշան

Գծանշում, թե՞  ճանապարհային նշան

Կարծես թե հեշտ հարց, որին պետք է ճիշտ  պատասխանի յուրաքանչյուր վարորդ, բայց արի ու տես, որ կարիք կա նորից կրկնելու և ինչու ոչ սովորելու նրանց նմանություններն ու տարբերություններն, առաջնայնությունը երկուսի առկայության դեպքում, ինչպես նաև կրկնել ճանապարհային նշանների և գծանշումների այբուբենը:

Ճանապարհային երթևեկության մասնակիցները պարտավոր են իմանալ և անշեղորեն պահպանել ճանապարհային նշանների և ճանապարհային գծանշումների պահանջները:

ճանապարհային նշանները

Եվ այսպես՝ ճանապարհային նշանները լինում են 8 տեսակի՝

  1. նախազգուշացնող,
  2. առավելության,
  3. արգելող,
  4. թելադրող,
  5. հատուկ թելադրանքի,
  6. տեղեկատվության,
  7. սպասարկման,
  8. լրացուցիչ տեղեկատվության

Վերջիններս արդեն իսկ բացատրում են իրենց նշանակությունը:

Ճանապարհային գծանշումները

Ճանապարհային գծանշումները բաժանվում են 2 խմբի` հորիզոնական,  ուղղաձիգ:
Հորիզոնական գծանշումները դրանք երթևեկելի մասի վրա գծեր, սլաքներ, գրառումներ և այլ նշումներ են ու սահմանում են երթևեկության որոշակի ռեժիմ և կարգ: Հորիզոնական գծանշումը լինում են`

  1. մշտական, որը սպիտակ գույնի է, բացի` կանգառն ու կայանումն արգելող (1.4), կայանելն արգելող (1.10) և  հետիոտնային անցումը ու հետիոտների շարժման ուղղությունը ցույց տվող գծանշումներից (1.14.1, 1.14.2), որոնք դեղին գույնի են, և ընդհանուր օգտագործման տրանսպորտային միջոցների կանգառի կետերը ցույց տվող գծանշումներից (1.7),  որոնք կարմիր գույնի են,
  2. ժամանակավոր, որը նարնջագույն է:

Ուղղաձիգ գծանշումը ճանապարհային կառույցների և կահավորման տարրերի վրա սև ու սպիտակ կամ կապույտ ու սպիտակ կամ կարմիր ու սպիտակ զոլերի զուգակցություն է, որը ցույց է տալիս դրանց եզրաչափերը և ծառայում որպես տեսողական կողմնորոշման միջոց:

Առաջին հայացքից թվում է, թե նշաններն ունեն առավելություն գծանշման նկատմամբ, իսկ ժամանակավոր նշաններն երկրորդային են և կարելի է նույնիսկ չնկատել դրանց: Բայց ո՛չ. ամենևին էլ այդպես չէ:
tuganq am
Հարկ է նշել, որ ճանապարհային նշանները և գծանշումները հավասարազոր են, և մեկը մյուսի նկատմամբ առավելություն չունի: Բայց այս երկուսի նկատմամբ առավելություն ունեն ժամանակավոր տեղադրված ճանապարհային նշանը, որը տարբերակում են շարժական կանգնակի վրա տեղադրված լինելով, և ժամանակավոր նարնջագույն գծանշումը:
Այսինքն՝ որպիսի ճիշտ կողմնորոշվել, թե որ նշանին հետևել, ապա պետք է նախ իմանալ, թե որոնք են ժամանակավոր նշաններն ու գծանշումներն, այնուհետև սովորել տարբերակել դրանք մշտականներից և հետևել առաջնային նշանին:

Մեր սիրելի վարորդներին ևս մեկ անգամ խնդրում ենք լինել կարգապահ, տեղեկացված և անհրաժեշտության դեպքում ժամանակ առ ժամանակ չզլանալ ու վերհիշել ճանապարհային երթևեկության բոլոր նշաններն ու գծանշումները:

Comments

comments

Թեգեր
Ավելին

Հարակից նորություններ

Թողնել պատասխան

Ձեր էլ-փոստի հասցեն չի հրապարակվելու։

Back to top button
Close